Dr.A.செல்வராஜகுமார் M.S. - வாழ்த்துச் செய்தி

Dr.A.செல்வராஜகுமார் M.S.

Founder & Chairman

ஆகாஷ் மருத்துவமனை

      அசோக் லேலண்ட் தொழிலகத்தில் கடந்த பத்து வருடங்களாக உரிமைக்குரல் இதழ் வெளிவருவதை நான் அறிவேன். இந்த இதழில் அறிவியல், மருத்துவம், கலை, இலக்கியம் சார்ந்த படைப்புகள் மிகச் சிறப்பான முறையில் வெளி வருகின்றன. பத்தாண்டுகளல்ல, தொடர்ந்து பல ஆண்டுகள் உரிமைக்குரல் இதழ் சிறப்பாக வெளிவர என் வாழ்த்துகளைத் தெரிவித்துக் கொள்கிறேன்.

                                    வாழ்த்துகளுடன்

                               Dr.A.செல்வராஜகுமார் M.S.

கே.கிருஷ்ணன் - வாழ்த்துச் செய்தி

கே.கிருஷ்ணன்

வடசென்னை மாவட்டச் செயலாளர்

                        இந்திய கம்யூனிஸ்ட் கட்சி (மார்க்சிஸ்ட்)

தோழரே!

      அசோக் லேலண்ட் தொழிலகத்தில் உழைப்போர் உரிமைக்கழகம் சார்பில் வெளியிடப்படும் இரு மாத இதழான ``உரிமைக்குரல்'' பத்து வருடங்களாகத் தொடர்ந்து வருவதில் நான் மகிழ்ச்சி அடைகிறேன். இந்த இதழைத் தொடர்ந்து படிப்பது மட்டுமல்ல, அதன் மீது எனது கருத்துகளையும் ஆலோசனைகளையும் வழங்கி வருகிறேன்.

      ஒரு தொழிலகத்தில் தொழிலாளர்களால் இவ்வளவு சிறப்பாக ஒரு இதழை நடத்த முடியுமா என்று வியக்கும் வண்ணம் உங்களின் உரிமைக்குரல் இதழ் அமைந்துள்ளது. தொடர்ந்து மேலும் மேலும் உரிமைக்குரல் முன்னேறவும் மெருகேறவும் எனது வாழ்த்துகளையும் பாராட்டுகளையும் உரித்தாக்குகிறேன்.

                                         தோழமையுடன்

                                         கே.கிருஷ்ணன்

                           

ஜி.சுகுமாறன் - வாழ்த்துச்செய்தி

ஜி.சுகுமாறன்

பொதுச்செயலாளர்

இந்திய தொழிற்சங்க மையம் (சிஐடியு)

தமிழ்நாடு

அன்பான தோழர்களே வணக்கம்!

      தனது 9 வயதைப் பூர்த்தி செய்து, 10வது வயதில் நடைபோடும் உழைப்போர் உரிமைக்குரலை மனதார வாழ்த்துகிறேன். பத்திரிக்கை என்பது ஒரு ஆசானாக, பிரச்சாரகனாக, வழிகாட்டியாக செயல்படுகிறது என்பதை உணர்ந்து, இரு மாதத்திற்கு ஒன்று என்கிற அளவில் தொடர்ந்து, அசோக் லேலண்ட் தொழிலாளர்களின் பிரச்சனைகளை மட்டுமல்லாமல் தொழிலாளர்கள் சந்திக்கக் கூடிய சமூகப் பிரச்சனைகளை, அரசியல் தாக்குதல்களை, தனது ஆலையில் நிலவும் அவலங்களை என அனைத்திற்கும் ஒரு சிந்தனை விளக்காக உரிமைக்குரல் விளங்குகிறது. அதுவும் கூட திகட்டாமல் அளவிற்கேற்ப வழங்கி வருகிறது என்பது வரவேற்கத்தக்கது.

டி.கே.ரங்கராஜன் வாழ்த்துச் செய்தி